Is camineras de is crabonaxus de Monte Maria 7 Abrili 2019

escurioni-sardegna-lingua-sarda-trekking

Teulada est connota po su mari asulu e s’arena de is prajas chi parit mòllia de Deus, de cantu est fini, cumenti a farra chi imprassat is peis.
Custa bidda tenit bantu mannu de sa cultura de is furriadroxus e de sa vida in su sartu fata de pastoris e messajus.
Sa prima bessida de “Is atòbius e passilladas in sardu” est in is padentis de Teulada innui traballànt is crabonaxus de Monte Maria.
Seus acanta ’e su mari, ma in artu, in d-unu tretu spantosu innui su murdegu, su tzìpiri, sa tiria e froris de dònnia colori s’acumpangiant fintzas a arribai a unu padenti de matas de ìlixi mannas e bonas.
Su logu est de importu e ddui funt Nuraxis de perda bianca, pròpiu poita de custus montis si biit su mari. Funt medas e ancora strantaxus po si contai sa stòria de is antigus chi faiant domus de perda.
“Sa caminera de is crabonaxus de Monte Maria” est una passilada chi lassat spantau a chini bolit bivi esperièntzias chi no si scarescint prus, poita seus in d-unu logu chi ancora si lassat prexaus.

Durada: 5 oras
Dificurtadi: madiana
Tipu de tretu: aneddu
A s'acabu de sa passilada si stentaus po unu cumbidu

Prètziu de s’esperièntzia: 10 èurus a peròmini

Si cunsillaus de s'ingolli àcua, unu smurtzu e de si ponni butinus serraus

Distanza: 5 km
Durada: 5 oras
Dificurtadi: madiana
Artaria: min 183m, max 400

Leave your comment

Privacy Policy Cookie Policy